“Ermənistan dünyadakı siyasi dəyişikliklərə inadkar tərzdə tərslik göstərməyə davam edir. İllərlə cəmiyyətin şüuruna yeridilən şişirdilmiş milli böyüklüyün maniyası ölkənin siyasi elitalarının kütləvi psixi pozğunluğuna səbəb olub”.
Bu barədə “Caliber”in növbəti buraxılışında qeyd olunur.
Ermənistanda cərəyan edən daxili siyasi durumun təhlilinə həsr edilmiş süjetdə qeyd olunur ki, müharibədəki acınacaqlı məğlubiyyətdən iki ilə yaxın müddətin keçməsinə və kapitulyasiyanın imzalanmasına rəğmən, reallığın inkarı sindromu daha da şiddətlənib.
Təhlildə Ermənistanda başında Robert Koçaryan, Serj Sarqsyanın dayandığı revanşist qüvvələrin reallıq hissindən nə qədər uzaq olduğuna, erməni cəmiyyətində uzun illər davam edən “beyinlərin yuyulması” prosesinin doğurduğu acınacaqlı nəticələrə toxunulur.
