Gənc taekvondoçulardan ibarət Azərbaycan millisi Bosniya və Herseqovinanın paytaxtı Sarayevoda keçirilən Avropa Multi Oyunlarında 3 medal qazanıblar.
Azərbaycan Taekvondo Federasiyasından verilən məlumata görə, yığmanın heyətində 48 kq çəki dərəcəsində Məhəmməd Həsənli gümüş medala yiyələnib.
Hüseyn Xudiyev (78 kq) və Ruslan Həsənzadə (+78 kq) yarışı bürünc mükafatla bitiriblər.
Bu gün yeniyetmə taekvondoçular yarışacaqlar. Milli bu yarışda 8 oğlan, 8 qız idmançı ilə çıxış edəcək.
