Bu gün futbol üzrə Azərbaycan Premyer Liqasında XXXIII tura yekun vurulacaq.
Milletinsesi.info xəbər verir ki, sonuncu oyunda “Qarabağ” və “Qəbələ” üz-üzə gələcəklər.
“Azersun Arena”da keçiriləcək qarşılaşma saat 20:00-da başlayacaq.
“Qarabağ” hazırda 81 xalla liderdir. “Qəbələ” 48 xalla 4-cü pillədə qərarlaşıb.
Azərbaycan Premyer Liqası
XXXIII tur
8 may (bazar ertəsi)
20:00. “Qarabağ”- “Qəbələ”
Hakimlər: Rəvan Həmzəzadə, Cəmil Quliyev, Rahil Ramazanov, Emin Əliyev
Hakim-inspektor: Ömər Paşayev
AFFA nümayəndəsi: Ramiz Mustafayev
“Azersun Arena”
Qeyd edək ki, turun əvvəlki görüşlərində “Sabah” “Kəpəz”i, “Zirə” “Şamaxı”nı 3:0 hesabı ilə üstələyib. “Turan Tovuz” “Neftçi”ni (4:0), “Səbail” isə “Sumqayıt”ı (3:1) məğlub edib.
