“Bakı Marafonunda əvvəlcə küləyə, sonra rəqiblərinə qalib gəlməlisən”.
Bunu Milletinsesi.info-a açıqlamasında “Bakı Marafonu 2023”ün kişilər arasında qalibi Boqdan Simonoviç deyib.
Ukraynalı idmançı bildirib ki, ilk dəfə bu yarışda iştirak edir:
“Rəqabət çox yüksəkdir, yarışın marşrutu xeyli çətindir. Hava da küləklidir, amma nəzərə alaq ki, yarışın şüarı da məhz “Küləyə qalib gəl”dir”.
Qalib bildirib ki, yekunda küləyin təsirini öz xeyrinə çevirib:
“Təxminən 11 kilometr hamı eyni səviyyədə qaçırdı, amma sonradan mən küləyin çətinliyini öz lehimə çevirdim və yekunda qalib gəldim”.
