“Beşiktaş” “Sabah”ın dəvətinə cavab verdi: “Salam, can qardaş” 

Türkiyənin “Beşiktaş” futbol klubu Azərbaycanın “Sabah” klubuna sosial şəbəkə vasitəsilə cavab verib.

“Salam, can qardaş. Dəvətiniz üçün çox təşəkkür edirik. Azərbaycandakı qardaşlarımızla zəlzələdən zərər görmüş insanlara yardım məqsədilə keçiriləcək matç üçün Bakıya gəlməkdən böyük sevinc hissi duyarıq”, - İstanbul komandasının “Twitter” səhifəsindəki paylaşımında yazılıb.

Xatırladaq ki, bundan öncə “Sabah” zəlzələdən zərərçəkənlərə yardım məqsədilə “Beşiktaş”ı xeyriyyə oyunu keçirmək üçün Bakıya dəvət edib.

Məlumata görə, iki komanda şənbə günü, mayın 13-də, saat 18.00-da Tofiq Bəhramov adına stadionda üz-üzə gələcək.