Rusiya və Belarus cüdoçularının uzun fasilədən sonra qatılacaqları ilk beynəlxalq turnir müəyyənləşib.
Beynəlxalq Cüdo Federasiyasından (IJF) verilən məlumatına görə, adıçəkilən ölkələrin idmançıları Qətərin paytaxtı Dohada keçiriləcək dünya çempionatında iştirak edəcəklər.
Konkret olaraq 20 cüdoçu mundialda fərdi idmançı kimi mübarizə aparacaq.
7-14 may tarixlərində baş tutacaq dünya çempionatı Paris-2024 Yay Olimpiya Oyunlarına lisenziya xalları verəcək.
Dünya çempionatında Azərbaycan millisi 9 çəki dərəsində 9 kişi və 4 qadınla təmsil olunacaq.
Qeyd edək ki, Ukraynaya hərbi müdaxilə səbəbindən Rusiya və Belarus idmançılarının beynəlxalq yarışlardakı iştirakına qadağa qoyulub.
