Almaniya Bundesliqasında XXX tura start verilib.
Milletinsesi.info xəbər verir ki, lider “Borussiya” turnir cədvəlinin aşağı sıralarında qərarlaşan “Bohum”un qonağı olub.
Matçda qalib müəyyənləşməyib - 1:1. Antonio Losillanın hesabı açdığı matçda “Borussiya”ya xal qazandıran qolu Kərim Adeyemi vurub.
Dortmund klubu hazırda 61 xalla liderdir. Edin Terziçin komandası ən yaxın izləyicisi “Bavariya”nı iki xal üstələyir. Münhenlilərin ehtiyatda bir oyunu da var.
“Bohum” isə 28 xalla 15-cidir. Komandanı düşmə zonasından üç xal ayırır.
