“Ermənistanda keçirilən Ağır Atletika üzrə Avropa çempionatının açılış mərasimində Azərbaycan bayrağının yandırılmasını qətiyyətlə pisləyirik”.
Bunu Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov “Twitter” hesabında yazıb.
O bildirib ki, Ermənistan təhlükəsizliyinin təmin olunması üçün vəd versə də, mənfur hərəkətin qarşısının alınması üçün heç bir addım almayıb:
“Ermənistan danışıqlar prosesinə də bu cür yanaşır, söz verir, amma əməl etmir”.
Qeyd edək ki, aprelin 14-də Ermənistanda Ağır Atletika üzrə Avropa çempionatının açılış mərasimində bayraqların paradı olub. Azərbaycan bayrağı zala gətirildikdən sonra təşkilatçılardan biri, dizayner Aram Nikolyan səhnəyə qaçaraq qızın əlindən milli simvolumuzu götürərək yandırıb.
Strongly condemn the act of setting fire to the flag of #???????? during the #???????? #Weightlifting évent in #????????.They promised but didn’t implement any security measures to prevent hateful act.The same approach Armenia shows up on negotiations: breaking its own promises. It’s shame for#???????? pic.twitter.com/TDPhdQz7SU
— Samad Seyidov (@SeyidSamad) April 15, 2023
