Mikayıl Cabbarov Aİ - Azərbaycan biznes forumundan YAZDI

İqtisadiyyat naziri Mikayıl Cabbarov Avropa İttifaqı (Aİ) - Azərbaycan biznes forumu ilə bağlı “Twitter” hesabında paylaşım edib. 

Paylaşımda deyilir:

“Aİ - Azərbaycan biznes forumu çərçivəsində ölkəmizdə biznes mühitinin inkişafı istiqamətində görülmüş işlər və işğaldan azad edilmiş ərazilərimizin iqtisadi potensialı barədə faydalı müzakirələrimiz oldu. 

Avropa şirkətləri Azərbaycanda sahibkarlıq fəaliyyəti ilə məşğul olmaqda və işğaldan azad edilmiş ərazilərimizə investisiya qoyuluşlarında maraqlıdırlar”.