“Ən-Nəsr” klubunun futbolçusu Kriştianu Ronaldu yeni rekordlara imza atıb. Belə ki, forvard het-trik sayını 61-ə çatdırıb. Onlardan 51-i klub səviyyəsində, 10-u Portuqaliya millisinin heyətindədir.
Hücumçu 30 yaşına qədər 30 dəfə, bu yaşdan sonra isə 31 dəfə hər oyunda üç və ya daha çox qol vurub.
Hazırkı oyunçular arasında het-triklərin sayına görə Ronaldu liderlik edir. Argentinalı Lionel Messidə het-trik sayı 56-dır.
Bundan əlavə, “Əl-Vahda” ilə matçda Kriştianu ölkə çempionatlarında vurduğu qolların sayını 503-ə çatdırıb. Bu, tarixin 5-ci ən yüksək göstəricisidir.
Xatırladaq ki, Səudiyyə Ərəbistanı çempionatının növbəti turunda “Ən-Nəsr” səfərdə “Əl-Vəhda” ilə . Qonaq komanda hücumçusu Kriştianu Ronaldunun sayəsində rəqibini darmadağın edib. Belə ki, kapitan sarğısı ilə meydana start heyətində çıxan 38 yaşlı portuqaliyalı matçda dörd qol (21, 40, 51 (penaltidən), 61-ci dəqiqələrdə) vuraraq komandasına üç xalı qazandırıb - 0:4.
Ronaldunun pokeri “Ən-Nəsr”i turnir cədvəlində liderliyə yüksəldib. Bu poker onun üçün 2019-cu ildən (Litva yığması ilə oyundan) bəri ilk olub.
