“Bu şikayət ərizəmlə yazıb sizdən xahiş edirəm, göstərdiyim cinayət faktlarını obyektiv araşdırılıb, qanuna müvafiq tədbirlər görülməsinə köməklik göstərəsiniz.”
Bu sözlər Göyçay şəhər İbrahim Göyçaylı küçəsi 4/10 ünvanında yaşayan Hüseynov Anar Rafiq oğlu tərəfindən MillətinSəsi.info-ya ünvanlanan ŞİKAYƏT məktubunda yazılıb.
Şikayətçi Hüseynov Anar Rafiq oğlu yazır:
“Mən Hüseynov Anar Rafiq oğlu, ictimai-fəal vətəndaş olaraq, sosial şəbəkələrdə Göyçay Suvarma Sistemləri İdarəsinin rəisi Şakir Əhmədovun mətbuata verdiyi müsahibəyə rast gəlmişəm. Belə ki, Xalq qəzetinin 07.02.2021 tarixli nömrəsində Şakir Əhmədovun “Meliorasiya və su təsərrufatı işçilərindən yüksək məsuliyyət tələb olunur” başlıqlı müsahibəsi dərc olunub.
Müsahibədə “Son illər dövlət başçısı qarşımızda mühüm vəzifələr qoyub. Biz də çalışırıq ki, bu vəzifələri uğurla həyata keçirək”. “Keçən il Göyçay çayının məcrasında mühüm işlər aparılmışdır. Kanallarda 474 kilometr lildən təmizləmə işləri görülmüşdür. Üç ədəd qurğuda təmizləmə və təmir işlərini yekunlaşdırmışıq. Qarayazı beton kanalında əsaslı təmir işləri aparılmışdır. Əlbəttə, bunlar hamısı dövlət vəsaiti ilə reallaşdırılmışdır”
Lakin bu müsahibə dərc olunan tarixdən 3 ay sonra, yəni 03.05.2020 tarixində mətbuatda “Göyçay rayonunun Məlikkənd, Qaraməryəm, Yekəxana kəndlərində su problemi” başlıqlı yazı dərc olunub. Yazıda “kənd camaatı 22.04.2020-ci il tarixində Göyçay rayon icra hakimiyyətinin qarşısına toplaşmağa cəhd ediblər. Polis onları kənarlaşdırmağa çalışsa da qarşıdurma yaranıb və səs-küyə icra başçısı çıxıb. Kənd sakinlərinin sözlərinə görə o, problemi dinləyəndən sonra müvafiq tədbirlər görüləcəyinə söz verib.
Ancaq əfsuslar olsun ki, yenə 3 ay sonra avqust ayında Bəydövül kəndində su qıtlığına görə kütləvi aksiya keçirildi.
Daha sonra susuzluqdan əziyyət çəkən Çaxırlı kənd sakinləri Göyçay Rayon İcra Hakimiyyəti binasının qarşısında aksiya keçiriblər.
Beləliklə Göyçay rayon Suvarma Sistemləri İdarəsinin müdiri Şakir Əhmədov 5 kənddə yaşayan 7836 nəfər sakini hökumətdən narazı salır. Bu kütləvi ixtişaşlarla bağlı yenə Göyçay Rayon Prokurorluğu Şakir Əhmədova qarşı cinayət işi açmadı.
Göründüyü kimi, Göyçay rayon Suvarma Sistemləri İdarəsinin müdiri Şakir Əhmədovun dövlət qəzetinə verdiyi müsahibənin yalan saxta olması subut olundu.
Odur ki, 474 km kanallarda lildən təmizləmə işlərini yoxlamaq lazımdır ki, necə təmizlik aparılıb. Hər bir 1 metr kanala ən azından 1 manat xərclənəndə bu 474 000 (dörd yüz yetmiş dörd min) manat edir. Belə küllü miqdarda dövlət vəsaiti xərclənib, kanallar necə lildən təmizlənib ki, əhali yenə istifadə etməyə su tapmır?
Eyni zamanda Qarayazı beton kanalında əsaslı təmir zamanı, dəmir armaturdan istifadə edilməyib. Ancaq kanalın təmir üçün tərtib edilmiş lahiyə smetada betonlaşmada armaturdan istifadə edilməsi qeyd edilib. Bununlada Göyçay rayon Suvarma Sistemləri İdarəsinin müdiri Şakir Əhmədov dövlətin küllü miqdarda vəsaitini mənimsəyib.
Göyçay rayon Suvarma Sistemləri İdarəsinin rəisi Şakir Əhmədovun korrupsiya əməlləri Korrupsiyaya Qarşı Mübarizə Baş İdarəsi tərəfindən araşdırılıb barəsində qanunu və ciddi tədbirlər görülməlidir.
Cinayət Prosessual məcəlləsinin 46.2 maddəsinə əsasən, sizdən xahiş edirəm, Göyçay rayon Suvarma Sistemləri İdarəsinin müdiri Şakir Əhmədovun korrupsiya əməlləri obyektiv araşdırılıb onun barəsində qanuna müvafiq tədbirlər görülməsinə öz köməkliyinizi göstərəsiniz.”
Şikayətlərdə qeyd etdilən faktlarla bağlı dövlət qəzetində dərc edilən yazının və susuzluğa görə Göyçayda keçirilən aksiyaların VİDEO linklərini xəbərə əlavə edirik.
Qarşı tərəfin də mövqeyini dərc etməyə hazırıq.
Aydan Əhmədova
MillətinSəsi.info
