Azərbaycan şahmatçısı Rauf Məmmədov norveçli dünya çempionu Maqnus Karlsenin təşkil etdiyi Çempionlar Turunun “Airthings Masters” mərhələsinin I divizionunda növbəti oyununu keçirib.
“Report”un məlumatına görə, ilk turda məğlub olan 35 yaşlı qrossmeyster eyni aqibəti yaşamış hindistanlı Qukeş Dommaraku ilə üz-üzə gəlib. Oyun rəqibin 2:1 hesablı qələbəsi ilə yekunlaşıb.
Məmmədov ötən tur ABŞ təmsilçisi Uesli Soya uduzub - 1.5:2.5.
Qeyd edək ki, "Airthings Masters" fevralın 10-da başa çatacaq.
