Azərbaycan Respublikası Təhsil Nazirliyinin tərkibində fəaliyyət göstərən “Zəngi” liseyinin müəllimi narazıdır.
Oxu.Az-ın məlumatına görə, Arif Bədəlov adlı müəllim bildirib ki, boş sinfə dərs keçir.
O iddia edib ki, “Zəngi” liseyində təhsil alan X sinif şagirdlərinin valideynləri
direktora pul ödədikləri üçün dərsə gəlmirlər.
Azərbaycan Respublikası Təhsil Nazirliyinin tərkibində fəaliyyət göstərən “Zəngi” liseyinin direktoru X sinif şagirdlərinin valideynlərindən pul alması iddiasına cavab verib.
Liseyin direktoru Almaz Əsgərova Oxu.Az-a bildirib ki, yayılan məlumatlar yalandır: “Bunun şər-böhtan olduğunu sübut da edəcəyik. Məni pul almaqda ittiham edən müəllimin qeyd apardığı şagirdlərin davamiyyət jurnalında “qaib” yoxdur. Şagird dərsdə yoxdursa, niyə “qaib” yazmayıb?”
O qeyd edib ki, məhkəməyə müraciət edəcək: “İstəyirəm ki, məsələ tam araşdırılsın”.
