Binəqədi rayonunda içməli su PROBLEMİ

Bakının Binəqədi rayonu ərazisində yaşayan sakinlər içməli su problemi ilə qarşılaşıblar.

Bununla bağlı Oxu.Az-a müraciət daxil olub.

Qeyd edilib ki, 9-cu mikrorayon, Həmzə Babaşov küçəsində dünəndən içməli su verilmir.

"Bizə deyilənə görə, haradasa su xətti partlayıb. Amma nə vaxt düzələcəyi ilə bağlı hər hansı məlumat ala bilmirik", - deyə müraciətdə bildirilir.

Məsələ ilə bağlı  İri Şəhərlərin İçməli Su Təchizatı Xidmətindən fakt təsdiqlənib.

Bildirilib ki, qeyd olunan ünvanda su xəttində qəza baş verib.