“Yuventus” A Seriyasının 7-ci turunda səfərdə “Monza”ya uduzub.
Oyun ev sahiblərinin minimal üstünlüyü ilə başa çatıb – 1:0.
Matçın 40-cı dəqiqədə turinlilər azlıqda qalıblar. Belə ki, Anxel Di Maria rəqibin qarnına dirsəklə vurduğuna görə meydandan qovulub.
Yeganə qolu isə 74-cü dəqiqədə meydan sahiblərinin danimarkalı hücumçusu Kristian Qutkyaer vurub. Bununla da "Monza" çempionatda ilk qələbəsini qazanmış oldu.
Qeyd edək ki, “Yuve” son 8 matçda cəmi 1 qələbə qazanıb. Massimiliano Alleqrinin komandası A Seriyasında 10 xalla 8-ci pillədə qərarlaşıb.
