Oktyabrın 15-dən etibarən universitetlərdə vahid tələbə kartı tətbiq ediləcək.
Bu barədə Təhsilin İnkişafı Fondundan məlumat verilib.
Qeyd edilib ki, kart 11 universitetdə tələbələrə təqdim ediləcək.
"Vahid tələbə kartı oktyabrın 15-dən etibarən Azərbaycan Dövlət Pedaqoji Universiteti, Azərbaycan Texniki Universiteti, Bakı Mühəndislik Universiteti, Sumqayıt Dövlət Universiteti, Azərbaycan Dövlət Neft və Sənaye Universiteti, Türkiyə-Azərbaycan Universiteti, Fransa-Azərbaycan Universiteti (UFAZ), Azərbaycan Memarlıq və İnşaat Universiteti, Bakı Dövlət Universiteti, Bakı Slavyan Universiteti, Azərbaycan Dillər Universiteti tələbələrinə veriləcək", - deyə fonddan bildirilib.
lkin mərhələdə 17 ali təhsil müəssisəsində 170 min tələbənin xüsusi güzəştlər və imtiyazlar təqdim edən çoxfunksiyalı tələbə kartı ilə təmin olunması nəzərdə tutulur.
Təhsilin İnkişafı Fondundan bildirilib ki, artıq 10 ali təhsil müəssisəsi ilə müqavilə imzalanıb və oktyabrın 5-dən etibarən kartlar tələbələrə təqdim olunur.
Qeyd edək ki, iyunun 27-də Davamlı İnkişaf Mərkəzində Təhsilin İnkişafı Fondunun təşkilatçılığı ilə "VISA" beynəlxalq ödəmə texnologiyaları şirkəti tərəfindən ali təhsil müəssisələrinin rəhbər heyəti üçün universitetlərdə vahid tələbə kartının yaradılması layihəsinin təqdimatı keçirilib.
Yeni yaradılan tələbə kartları təhsilalanların dərsdənkənar fəaliyyətləri zamanı faydalana biləcəyi xüsusi imtiyazlara sahib olacaq.
