Gürcüstan prezidenti rəsmi olaraq parlament seçkisini oktyabrın 26-na təyin edib.
Bu barədə ölkənin Prezident Administrasiyası məlumat yayıb.
Konstitusiyaya əsasən, Gürcüstanda parlament seçkisi hazırkı parlamentin səlahiyyətlərinin başa çatdığı ilin oktyabr ayının son şənbə günü keçirilir. Prezident isə seçkini səsvermə gününə 60 gün qalmış təyin edir.
Qeyd edək ki, Gürcüstan parlamenti dörd il müddətinə seçilir və 150 deputatdan ibarətdir. Gürcüstanda ən azı 10 il yaşayan, yaşı 25-dən yuxarı olan ölkə vətəndaşı deputat ola bilər.
