Rusiya bu məsələ ilə bağlı mövcud kəşfiyyat məlumatlarını dərc etməklə Gürcüstanda rəngli inqilab cəhdlərinin qarşısını almaq istəyir.
Bunu Rusiya Federasiyası Xarici Kəşfiyyat Xidmətinin direktoru Sergey Narışkin xidmətin bir gün əvvəl dərc etdiyi xəbərdarlığı şərh edərkən deyib.
"Təkcə Qərb kəşfiyyat xidmətlərinin deyil, həm də ABŞ Dövlət Departamenti kimi qurumların düşmənçilik fəaliyyəti ilə bağlı əldə edilmiş məlumatları ictimaiyyətə açıqladıq ki, Gürcüstanda "rəngli inqilab" həyata keçirmək cəhdlərinin qarşısının alınmasına töhfə verək", - o bildirib.
Qeyd edək ki, Rusiya Xarici Kəşfiyyat Xidməti ABŞ-ın oktyabrın 26-da keçiriləcək parlament seçkilərində hakim Gürcü Arzusu Partiyasının qələbəsinin qarşısını almaq üçün “Tiflis Maydanı” təşkil etməyə hazırlaşdığına dair məlumat yayıb.(Axar.az)
