Yeni tədris ili ərəfəsində Bakının kirayə mənzil bazarında tələb çox, təklif isə azdır.
MillətinSəsi.info "Xəzər Xəbər"ə istinadla xəbər verir ki, bu barədə rieltorlar deyib.
Rieltorların sözlərinə görə, tələbələrdən kifayət qədər müraciətlər daxil olsa da, kirayə mənzillərin sayı əvvəlki aylarla müqayisədə dəfələrlə azdır.
Bunun isə müxtəlif səbəbləri var. Həmçinin mənzillərin sayının azlığı qiymətlərə də təsir edib.
Mütəxəssislər əlavə ediblər ki, kirayə mənzil bazarında qiymət artımı paytaxtın bütün zonalarında müşahidə edilir. Belə vəziyyətin minimum 1-2 ay davam edəcəyi proqnozlaşdırılır.
