Volodimir Zelenskiyə sui-qəsd etməyə hazırlaşan 25 nəfərlik qrup saxlanılıb

Ukraynanın Ujqorod şəhərində hərbi əks-kəşfiyyat xidmətinin əməkdaşları Rusiya FSB agentinin rəhbərlik etdiyi təxribatçı qrupu saxlayıblar.

MillətinSəsi.info xəbər verir ki, bu barədə Telegram-da jurnalist Vitali Qlaqola məlumat verib.

Onun sözlərinə görə, təxribat qrupu Ukrayna prezidentinə sui-qəsd etməyi, Kiyevdə və Ukraynanın digər vilayətlərində təxribat aksiyaları keçirməyi planlaşdırıb.

Təxribatın təşkilatçısı FSB-nin agentidir. O, 25 nəfərdən ibarət təxribat qrupu yaradıb, onları silahlandırıb və nəqliyyat vasitələri ilə təchiz edib.