Sabirabadlı qazi Elvin Cəfərovun intiharı son günlər ölkə gündəminin əsas müzakirə mövzularından birinə çevrilib. Belə ki, Elvin Cəfərov intihar hadisəsindən bir gün əvvəl çəkdiyi videoda Sabirabad Rayon İcra Hakimiyyətinin başçısı Siraqəddin Cabbarovun ona diqqət göstərmədiyini, qəbuluna düşə bilmədiyini qeyd etmşdi.
Xatırladaq ki, Elvin Cəfərvun intiharı Sabirabadda baş verən ilk anaoji hadisə deyil. Belə ki, bundan bir ay öncə Sabirabad rayonunun Cavad kəndindən olan Vətən müharibəsi iştirakçısı Maşallah Manafov 16 iyun 2022-ci il tarixdə Sabirabad Rayon İcra Hakimiyyəti binasından çıxdıqdan sonra kəndin ərazisində yerləşən çöl-pay torpağında özünü asaraq intihar etmişdi.
AzPolitika.info xəbər verir ki, Qarabağ qazilərinə qarşı laqeyd münasibət göstərən Siraqəddin Cabbarov 1959-cu ildə İmişlidə anadan olub.
1981-ci ildə Politexnik İnstutunun mexanik ixtisasını bitirib. Bir müddət Bakı Metaləritmə zavodunda komsomol katibi olub. 1989-cu ildən 2008-ci ilə kimi Binəqədi Rayon İcra Hakimiyyətində Təsərrüfat şöbəsinin müdiri və başçının müavini vəzifələrində çalışıb. 2008-ci ildən 2019-cu ilə qədər Saatlı Rayon İcra Hakimiyyətinin, 2019-cu ildən bugünədək isə Sabirabad Rayon İcra Hakimiyyətinin başçısı postunu tutan Siraqəddin Cabbarovun Ramiz Mehdiyevin kürəkəni İlham Əliyev sayəsində vəzifə aldığı bildirilir.
Mətbuatda yayılan məlumatlara görə, S.Cabbarov Binəqədidə icra başçısının müavini olarkən, müxtəlif avtobus marşurutlarını ələ keçirib, rayon ərazisində xeyli ticarət obyektlərinə, mülklərə sahib olub. Hətta bəzi iddialara görə, icra başçısı Binəqədi rayonunda dəyəri 100 minlərlə ölçülən villa tikdirərək, bir xanıma hədiyyə edib.
Siraqəddin Cabbarovun paytaxtın 7-ci mikrorayon adlanan ərazisində çoxsaylı obyektlərə sahib olduğu iddia edilir.
Həmin obyektlərin bir qisminin adını oxucalara təqdim edirik:
- "Aran Ticarət Mərkəzi";
- "Aran" restoranı;
- Binəqədi rayonu ərazindəki "Qədim Qəbələ" restoranı;
- "100 cars" avtomobil salonu;
- 7-ci mikrorayon ərazisində yerləşən xeyli sayda mağaza və obyekt.
Qeyd olunanlarla bağlı Siraqəddin Cabbarovun da mövqeyini dərc etməyə hazırıq.
