Əli Məsimli: “Monopoliyadan yaranan inflyasiya Azərbaycan xalqına böyük ziyan vurur..."

 20-06-2022

”Neftin qiymətinin artması büdcə gəlirlərini artırır, idxal məhsullarının qiymətlərini artmasının ziyaynı isə əhali çəkir” Bunu Milli Məclisdə 2022-ci ilin dövlət büdcəsinə dəyişiklik layihəsinin müzakirəsi zamanı deputat Əli Məsimli deyib. 
     
MillətinSəsi.info Moderator.az-a istinadla xəbər verir ki, Əli Məsimlinin çıxışında monopoliya,qiymət artımının sürətlənməsi və inflyasiyaynın Azərbaycan əhalisinə vurduğu zərbə xüsusi yer tutub.

Əli Məsimli bildirib ki, 2022-ci ilin dövlət büdcəsinə dəyişiklik layihəsinində bu il inflyasiyanın  12,5 faiz olacağı proqnozlaşdırılıb,amma şəxsən mən buna inanmıram, inflaysiya həmin rəqəmdən daha yüksək olacaq.Xüsusən də ərzaq məhsullarının   qiymətləri artmaqda davam edəcək. Deputat əlavə edib ki, inflyasiyadan danışılanda idxal inflyasiyası nəzərə alınsa da, ölkəmizdə məmur sahibkarlığının doğurduğu monopoliyadan yaranan qiymət artımı problemini hökumət nümayəndələri nəzərə almır. Halbuki Azərbaycanda monopoliyanın olması inflyasiya göstəricilərinə də təsir edir.

Əli Məsimli xüsusi vurğulayıb ki: “Monopoliyadan yaranan inflyasiya Azərbaycan xalqına böyük ziyan vurur. Məmur monopoliyası ilə qiymətin artırılmasının hər faizinə görə il ərzində  Azərbaycanda əhalinin ailə büdcəsinə 400 milyon manatdan çox  ziyan dəyir. Bu artım bir neçə faiz olanda isə həmin ziyan milyardlarla manat səviyyəsinə qalxır”.

Deputat qeyd edib ki, Azərbaycanda anti-inflyasiya tədbirləri görülməsi barədə fikirlər söylənilsə də,  görünən budur ki, qiymətlər artmaqda davam edir.Bu məsələyə ciddi, həm də köklü  yanaşılmasına və  Milli Məclisin növbədənkənar sessiyada Rəqabət Məcəlləsinin müzakirəyə çıxarılmasına ehtiyac var. Əli Məsimlinin monopoliya ilə bağlı açıqlamalarına  etiraz edən deputat həmkarının “Azərbaycanda 3-4 sahədə inhisarçılıq ola bilər,amma ümumilikdə monopoliya yoxdur”  fikrinə cavab olaraq  Əli Məsimli  bildirib ki, “siz iqtisadi fəaliyyətin  əsas sahələrindən heç olmasa birini göstərin  ki, orada monopoliya olmasın”. 

Əli Məsimlinin çıxışında əsas yer tutan məsələrdən biri də  “neft gəlirlərinin artmasından büdcəyə daxil olan əlavə vəsaitin bölgüsü ilə bağlı olub.

Deputat dürüstləşdirilmiş büdcədən əhalinin sosial müdafiəsinə də vəsait ayrılmasını təklif edib.Deputat bildirib ki, birincisi, əlavə  vəsaitin bölgüsündə "Azərbaycan 2030: sosial-iqtisadi inkişafa dair Milli Prioritetlər”in istiqamətləri əsas götürülməliidr.İkincisi, dünya bazarında neftin və qazın qiyməti artır və Azərbaycan  bundan xeyli əlavə gəlir götürür.

Eyni zamnada yüksək neft qiyməti əksər mal və məhsulların maya dəyərində oturur,qiymətləri artırır  və deməli biz xaricdən aldığımız malları əvvəlkindən baha qiymətə alırıq. Neftin qiymətinin artmasından büdcə qazanır.Xaricdən aldığımız məhsulların bahalamasının əlavə xərclərini isə əhali ödəyir.Ona görə də  neft gəlirlərinin bölgüsündə  əhalinin gəlirlərinin artan inflyasiyayanın yeminə çevrilməsi məsələsi kənarda qalmamalıdır.

Bu il davam edən yüksək inflyasiyanın xərclərini qarşılamaqdan ötrü  qiymət artımı nəticəsində əhaliyə dəyən ziyana görə sosial müdafiə tədbirləri görülməli, əhalinin gəlirlərinin,əmək haqqı, pensiya,müavinətinin inflyasiyanın yeminə çevrilməsi nəzərə alınmalı, sosial müdafiə xərcləri artırlmalı,kompensaisya və digər tədbirlər həyat keçirilməlidir.

Bənzər yazılar

0.23091197013855