“Qarabağ”ın sabiq futbolçusu İbrahima Vadji Fransanın “Sent-Etyen” klubunun tarixinə düşüb.
Seneqallı hücumçu buna Liqa 2-nin XXX turunda “Paris”lə səfər oyununun (4:2) 21-ci saniyəsində fərqlənməklə nail olub. O, “Sent-Etyen”in XXI əsrdə ən erkən ikinci qoluna imza atıb.
Klub tarixinin bu əsrdə ən sürətli qolunun müəllifi isə Vahbi Xazridir. O, 2021-ci ildə Liqa 1-də “Lans”la qarşılaşmanın 18-ci saniyəsində fərqlənə bilib.
Vadji keçən ilin yayında transfer olunduğu “Sent-Etyen”in heyətində 23 oyun keçirib və 9 qol, 3 məhsuldar ötürmə ilə yadda qalıb.
Mənbə: OptaJoe
