İngiltərə Premyer Liqasında (İPL) XXIX tura yekun vurulub.
Milletinsesi.info xəbər verir ki, bağlanış oyununda lider “Arsenal” “Liverpul”un qonağı olub.
Matçda qalib müəyyənləşməyib - 2:2. London klubu iki topluq üstünlük qazansa da, bunu qoruya bilməyib. “Topçular”ın qollarını Qabriel Martinelli və Qabriel Jesus vurublar. “Liverpul”un heyətində isə Məhəmməd Salah və Roberto Firmino fərqləniblər.
Xallarını 73 çatdıran “Arsenal” vahid liderdir. Mikel Artetanın komandası ən yaxın izləyicisi “Mançester Siti”ni 6 xal üstələyir. “Şəhərlilər”in ehtiyatında bir oyun da var. “Liverpul” isə 44 xalla 8-cidir.
