“20-21 aprel tarixlərində Heydər Əliyev Mərkəzində keçiriləcək kino forumunda Kino Agentliyi təqdim olunacaq”.
Bunu APA-ya açıqlamasında mədəniyyət nazirinin birinci müavini, nazir vəzifələrini icra edən Adil Kərimli deyib.
“Kino forumunda ölkəmizin kino sahəsi, bugünkü gündəm məsələləri ətrafında müzakirələr olacaq”, - o əlavə edib.
Mədəniyyət nazirinin birinci müavini, nazir vəzifələrini icra edən Adil Kərimli Mədəniyyət Nazirliyində olan islahatlar barədə danışıb.
Adil Kərimli tapşırıq və iradlara əməl etməyənlərin fəaliyyətinə son qoyulacağını deyib: “Bizim tapşırıqlarımızı lazımi səviyyədə yerinə yetirməyənlər, Azərbaycan mədəniyyətinə xidmət baxımından uyğunsuz fəaliyyət göstərənlər, bu missiyanın öhdəsindən gələ bilməyənlər bizdən ayrılacaq”, - o deyib.
