Aprelin 4-də Türkiyənin ilk yerli elektromobili “Togg” Azərbaycan Respublikasının Prezidenti İlham Əliyevə təqdim olunub.
Bununla bağlı AZƏRTAC məlumat yayıb.
Qeyd edək ki, Türkiyənin “Togg” markalı elektromobilinin ilkin sifarişçilərə çatdırılması prosesinə başlanılıb. Yerli istehsal olan nəqliyyat vasitəsinin ilk nümunəsi Türkiyə Prezidenti Rəcəb Tayyib Ərdoğana təqdim edilib.
Dövlət başçısı “Anadolu” rəngindəki 34 EE 2071 nömrəli elektromobili əldə edib.
“Bu gün millətimizin 60 illik arzusunun gerçəkləşdiyinin birlikdə şahidi oluruq. “Türk əsri”nin ilk bəhrələrindən biri olan “Togg” vətənimizə xeyirli olsun”, - deyə Prezident Ərdoğan təqdimat mərasimində bildirib.
