İslam Ölkələri Elm, Təhsil, Mədəniyyət Təşkilatı (ISESCO) işğaldan azad edilmiş ərazilərdə dağıdılmış mədəniyyət abidələrinin bərpasında Azərbaycanla əməkdaşlıq etməyi planlaşdırır.
“Report” xəbər verir ki, bunu jurnalistlərə təşkilatın baş direktoru Səlim bin Məhəmməd əl-Malik deyib.
O qeyd edib ki, bu əməkdaşlıq ölkənin Mədəniyyət Nazirliyi ilə də qurulacaq.
“Biz mədəniyyət abidələrinin ISESCO-da qeydiyyata alınmasına nail olacağıq”, - o deyib.
Baş direktorun sözlərinə görə, o, 2021-ci ilin yanvarında Qarabağa səfər edib və bu ərazilərdə bəzi mədəniyyət abidələrinin dağıdılmasını öz gözləri ilə görüb.
