AVRO-2024-ün seçmə mərhələsində I tur davam edir.
Milletinsesi.info xəbər verir ki, bu gün A, D və I qruplarında ümumilikdə 7 matç keçiriləcək.
Oyunlardan biri artıq baş tutub. A qrupunda Şotlandiya Kiprlə üz-üzə gəlib.
Matç meydan sahiblərinin 3:0 hesablı qələbəsi ilə başa çatıb.
Bundan başqa, bu gün daha üç oyun keçirilib.
D qrupunda yer alan Türkiyə millisi səfərdə Ermənistana 2:1 hesabı ilə qalib gəlib.
İsveçrə səfərdə Belarusu darmadağın edib. Renato Şteffenin het-trik etdiyi qarşılaşmada isveçrəlilər 5 cavabsız qolla qələbə qazanıblar.
İsraillə Kosova isə heç-heçəyə razılaşıb. Təl-Əvivdə keçirilən qarşılaşmada tərəflər hərəyə bir dəfə fərqləniblər.
