Beynəlxalq Şəffaflıq Təşkilatı ("Transparency İnternational") 2022-ci il üçün "Korrupsiya Qavrama İndeksi -2022" adlı hesabatını açıqlayıb.
Yeniavaz.com Beynəlxalq Şəffaflıq Təşkilatının açıqladığı hesabata istinadən bildirir ki, Azərbaycan korrupsiyanın səviyyəsinə görə 23 balla 180 ölkə arasında 157-ci sırada yer alıb.
Məlumat üçün bildirək ki, hesabat 0-100 ballıq qiymətləndirmə şkalası əsasında hazırlanıb, 100 bal olduqca təmiz, 0 bal isə olduqca yüksək korrupsiyalaşma səviyyəsini göstərir.
Qeyd edək ki, illər üzrə müqayisə apara bilmək üçün ölkələrin yeri deyil, xalı daha vacib əhəmiyyət kəsb edir.
2015-ci ildə Azərbaycan 29 balla 168 ölkə sırasında 119-cu,
2016-cı ildə isə 30 balla 176 ölkə arasında 123-cü,
2017-ci ildə 31 balla 180 ölkə arasında 122-ci,
2018-ci ildə 25 balla 180 ölkə arasında 152-ci,
2019-cu ildə 30 balla 180 ölkə arasında 126-cı,
2020-ci ildə isə 30 balla 180 ölkə arasında 129-cu,
2021-ci ildə isə 30 balla 180 ölkə arasında 128-ci,
2022-ci ildə isə 30 balla 180 ölkə arasında 157-ci sırada yer alıb.
Azərbaycanın sonuncu hesabatda mövqeyi əvvəlki illə müqayisədə 29 pillə pisləşib.
Sıralamadakı mövqeyə gəldikdə isə qeyd edək ki, MDB və region ölkələri arasında ən yaxşı vəziyyət Gürcüstanda qeydə alınıb. Gürcüstanda ötən il korrupsiyanın səviyyəsinə görə 180 ölkə arasında 42-ci sırada qərarlaşıb.
Keçmiş SSRİ və region ölkələri korrupsiya səviyyəsinə görə belə sıralanıblar:
- Estoniya - 15-ci yer (74 bal)
- Litva - 33-cü yer (62 bal)
- Latviya - 39-cu yer (59 bal)
- Gürcüstan - 42-ci yer (56 bal)
- Ermənistan - 63-cü yer (46 bal)
- Belarus - 91-ci yer (39 bal)
- Moldova - 93-cü yer (39 bal)
- Qazaxıstan - 103-cü yer (36 bal)
- Türkiyə - 109-cu yer (36 bal)
- Ukrayna - 121-cü yer (33 bal)
- Özbəkistan - 129-cu yer (31 bal)
- Rusiya - 139-cu yer (28 bal)
- Qırğızıstan - 140-cı yer (27 bal)
- İran - 149-cu yer (25 bal)
- Tacikistan - 156-ci yer (24 bal)
- Azərbaycan - 157-ci yer (23 bal)
- Türkmənistan - 170-ci yer (19 bal)
Dünyada korrupsiyanın ən aşağı səviyyədə olduğu ölkələr Danimarka (90 bal), Finlandiya (87 bal) və Yeni Zelandiya (87 bal) hesab olunur. Korrupsiyanın ən aşağı səviyyədə olduğu ölkələrin ilk onluğunu Norveç, Sinqapur, İsveç, İsveçrə, Niderland, Almaniya və İrlandiya tamamlayır.
Ən pis vəziyyət isə Somali, Suriya, Cənubi Sudan, Venesuela, Yəmən, Liviya, Şimali Koreya, Haiti və Ekvatorial Qvineyada qeydə alınıb.
Tam siyahı ilə buradan tanış ola bilərsiniz.
Müəllif A. Cəfərov
Mənbə Yeniavaz.com
