Muxtar Məmməd oğlu Məmmədov Azərbaycanın İsraildə fövqəladə və səlahiyyətli səfiri təyin edilib.
Bu barədə Prezident İlham Əliyev müvafiq sərəncam imzalayıb.
Muxtar Məmmədov Azərbaycanın yəhudi dövlətində ilk səfiridir.
2022-ci ilin noyabrında Azərbaycan İsraildə səfirlik açıb.
Muxtar Məmmədov 1983-cü ildə Bakıda anadan olub. Bakı Dövlət Universitetinin, Belçika Avropa Kollecinin, Azərbaycan prezidenti yanında Dövlət İdarəçilik Akademiyasının məzunudur.
2005-2013-cü illərdə Azərbaycan Xarici İşlər Nazirliyində diplomatik xidmətdə olub.
2013-cü ildən Təhsil Nazirliyində müxtəlif vəzifələrdə çalışıb.
