Azərbaycan UEFA reytinqində 2022/2023 mövsümü üçün xal ehtiyatını artırıb.
MillətinSəsi.info xəbər verir ki, buna səbəb “Qarabağ”ın UEFA Çempionlar Liqasının II təsnifat mərhələsinin ilk görüşündə İsveçrənin “Sürix” klubu üzərində 3:2 hesablı qələbə əldə etməsi olub.
Bu qələbə Azərbaycana 0,250 xal gətirib. Ümumi xallarının sayını 13,125-ə çatdıran ölkəmiz 29-cu pillədəki yerini qoruyub.
Qeyd edək ki, sabah Konfrans Liqasının II təsnifat mərhələsindən Azərbaycanın bu turnirdəki təmsilçiləri “Neftçi”, “zirə” və “Qəbələ” mübarizəyə başlayacaqlar.
