Rusiya Mərkəzi Bankı faizləri artıracaqmı?

Rusiya Mərkəzi Bankı faizləri artıracaqmı?
11:40 14-09-2018 | icon 22

Türkiyə Mərkəzi Bankının (TCMB) faiz artımı qərarından sonra diqqət Rusiya Mərkəzi Bankının keçiriləcək toplantısına yönəlib. 

milletinsesi.info xəbər verir ki, Türkiyə Mərkəzi Bankı həftəlik repo faizində 625 bənd artıma gedərək 24%-ə yüksəldib.

Xarici mətbuat yazır ki, TCMB-dan sonra bazarlara dəstək vermək növbəsi Rusiya Mərkəzi Bankındadır. 

Belə ki, Rusiya Mərkəzi Bankı bu gün pul siyasətini müzakirə edəcək. İclasın nəticələri Bakı vaxtı ilə 14:30-da elan ediləcək. Qeyd edək ki, hazırda ölkənin pul siyasəti faizi 7.25 faiz təşkil edir. 

Bəzi analitiklərə görə, Rusiya Mərkəsi Bankı ABŞ-ın sanksiyalarına cavab olaraq 2014-cü ildən indiyədək ilk dəfə faiz artımına gedə bilər. 

Rusiyalı ekspertlər isə hesab edir ki, Mərkəzi Bank faiz siyasətini dəyişməyəcək.