Arvadından xilas olmaq üçün özünü ölülüyə vurdu

Arvadından xilas olmaq üçün özünü ölülüyə vurdu
11:15 10-08-2018 | icon 22

Honduras sakini ondan daim pul tələb edən arvadından qurtulmaq üçün öz ölümünü təqlid edib. 

milletinsesi.info xəbər verir ki, bununla bağlı “Mirror” məlumat yayıb. 

Belə ki, ABŞ-da işləyən 27 yaşlı Denni Qonsalez Hondurasda yaşayan həyat yoldaşına şəkil göndərib. Şəkildə Denni özünü ölülüyə vurub. 

O, burnuna pambıq taxıb və üzərinə ağ parça örtüb ki, arvadı onun morqda olduğuna inansın. Bundan başqa, kişi həyat yoldaşına üzərinə gül dəstələri düzülmüş qəbrin şəklini də atıb.

Məlumatda bildirilib ki, Qonsalez “xərçəng və asmadan ölüb”. 

Qonsalezin ölümü ilə bağlı məlumat yerli KİV-lər vasitəsilə onun qohumlarına çatıb. Yaxınları şəkildə Qonsalezin morqda olmadığını bildiriblər. 

Jurnalistlər həmin şəxsi tapıb və o deyib ki, arvadının ondan pul tələb etməsindən bezdiyi üçün bu addımı atıb. Onun sözlərinə görə, qadın hər həftə ona zəng edərək, pul göndərməsini tələb edib.