Futbolçular toyda içdilər, oyuna getmədilər

Futbolçular toyda içdilər, oyuna getmədilər
15:00 13-03-2018 | icon 74

AFFA-nın keçirdiyi Region Liqasının “Oğuz” – “Şirvan” (Ağdaş) matçının təxirə salınmasının səbəbi bilinib.

Millətinsəsi.info xəbər verir ki, səbəb Ağdaş komandasının bəzi oyunçularının zəhərlənməsi olub.

Bu barədə Millətinsəsi.info-a komandanın kapitanı Rəhman Əliyev bildirib:

“Oyundan bir gün əvvəl bəzi futbolçularımız toy məclisində iştirak etmişdi. Onlar orada həddindən çox spirtli içki qəbul etdiklərinə görə özlərini pis hiss etmişdilər.

Buna görə onların bir gün sonra oyun üçün Oğuza getməsi mümkünsüz idi. Komandada soyuqlayan futbolçular da vardı. Buna görə AFFA-ya yazılı şəkildə müraciət edib, oyunumuzun təxirə salınmasını xahiş etdik. Onlar da sağ olsun ki, bu xahişimizi dəyərləndilər”.

Qeyd edək ki, bu matç martın 25-də keçiriləcək.

Səbuhi TOFİQOĞLU