Suraxanıda xəstəxanada yanğın - FOTO

Suraxanıda xəstəxanada yanğın - FOTO
23:30 15-08-2019 | icon 35

Suraxanı rayonunda xəstəxana binasında yanğın baş verib.

milletinsesi.info xəbər verir ki, Yeni Suraxanı qəsəbəsində yerləşən 12 saylı Birləşmiş Şəhər Xəstəxana binasının damında yanğın olub.

Alovlar qısa zamanda bir neçə palataya da keçib.

Təcili olaraq əraziyə FHN-in Suraxanı rayonu üzrə Yanğından Mühafizə Xidmətinin bir neçə texnikası və canlı qüvvəsi cəlb edilib.

Dərhal xəstəxananın həkim heyəti və xəstələr təxliyyə edilib. Binanın damında təxminən, 25-30 kv/m ərazidə başlayan yanğın söndürülüb, alovların otaqlara keçməsinin qarşısı alınıb.

FHN-nin əraziyə cəlb olunmuş briqadasından milletinsesi.info-a bildirilib ki, ilkin ehtimallara görə, yanğın binanın damında yerləşən elektrik naqillərində yaranan qısaqapanmadan baş verib.

Faktla bağlı araşdırma aparılır.