Avtomobil satışında yeni dələduzluq - VİDEO

Avtomobil satışında yeni dələduzluq - VİDEO
15:35 12-07-2019 | icon 46

Sosial şəbəkədə avtomobil satışı ilə bağlı elan saytlarında yeni dələduzluq növünün yayılması barədə məlumatlar paylaşılıb.

Bildirilib ki, bir qrup şəxs elan saytına avtomobili ucuz qiymətə yerləşdirməklə insanları aldatmaq yolunu seçib. Onlar avtomobili almaq istəyən şəxslərdən beh kimi 50-100 manat pul istəyir və bunun qarşılığında elanı saytdan yığışdıracağını bildirirlər.

Pulu əldə etdikdən sonra isə həmin şəxslərin nömrələrinə zəng çatmır. Belə elanlarda avtomobillərin hansısa rayonlarda qeydiyyatda olduğu qeyd edilib.

Məsələ ilə bağlı hətta sosial şəbəkədə səs yazısı yayılıb.

Samir İsayev