Mərdəkanda “Toyota” ağaca çırpıldı – dörd nəfər yaralandı

Mərdəkanda “Toyota” ağaca çırpıldı – dörd nəfər yaralandı
07:50 14-06-2019 | icon 39

Xəzər rayonunda avtomobil ağaca çırpılıb, 4 nəfər yaralanıb.

milletinsesi.info xəbər verir ki, Mərdəkan qəsəbəsində Orxan adlı şəxsin idarə etdiyi “Toyota Prado” markalı avtomobil hərəkətdə olarkən idarəetməni itirib. Nəticədə avtomobil yol kənarındakı ağaca çırpılıb.

Hadisə zamanı 1989-cu il təvəllüdlü Cabbarova Samirə Əlibala qızı, 1961-ci il təvəllüdlü Qasımova Zeynəb Məmməd qızı, 1966-cı il təvəllüdlü Babayeva Cəmilə Azər qızı və 1 yaş 3 aylıq Cabbarlı Zeynəb Orxan qızı xəsarət alıblar.

Yaralılar dərhal 3 saylı Klinik Tibbi Mərkəzə çatdırılıb.

Faktla bağlı Xəzər Rayon Polis İdarəsində araşdırma aparılır.

Kamil Əmirli, Elşad Mətləboğlu