Faiq Qarayev millidən ayrıldı

Faiq Qarayev millidən ayrıldı
18:50 11-10-2018 | icon 30

Qadın voleybolu üzrə millimizin baş məşqçisi Faiq Qarayev istefa verib.

milletinsesi.info xəbər verir ki, o, millimizin dünya çempionatında uğursuz çıxışından sonra məşqçilik karyerasını başa vurub.

Bu, 59 yaşlı məşqçinin səhhətində yaranan ciddi problemlə əlaqələndirilir. Lakin o, məşqçiliyi atsa da, Voleybol Federasiyasının I vitse-prezidenti vəzifəsini icra etməkdə davam edəcək.

Bundan başqa, millimizin aparıcı üzvlərindən olan Natalya Məmmədova da yığma ilə vidalaşıb. Karyerasını Qazaxıstanın “Altay” klubunda davam etdirəcək Məmmədova bir daha millimizin formasını geyinməyəcəyini açıqlayıb. O bu qərarını gənc nəslə yol açması ilə əlaqələndirib.

Səbuhi MUSAYEV