Meyxanaçı Xəyyam Əhmədli vəfat edib.
Bu barədə onun yaxınları məlumat yayıb.
Bildirilib ki, meyxanaçı bu gecə evində dünyasını dəyişib. O, uzun müddətdir xəstəlikdən əziyyət çəkirdi.
Bundan başqa, ötən gecə vəfat edən meyxanaçı Xəyyam Əhmədlinin dəfn yeri və vaxtı açıqlanıb.
Bildirilib ki, Xəyyam bu gün günorta saatlarında Əhmədli kənd qəbiristanlığında torpağa tapşırılacaq.
Qeyd edək ki, Xəyyamın ürəyində problem var idi. Onun qarnına su yığıldığı üçün ürəyini yenidən əməliyyat etmək mümkün deyildi. Meyxanaçının sağalması üçün ona qiyməti 130 min dollar olan aparat lazım idi. Bu günlərdə isə meyxanaçılar həmin məbləği toplamaq üçün kampaniyaya başlamışdı.
Onu da qeyd edək ki, polkovnik-leytenant Ramil Səfərov Macarıstanda həbsdə olarkən Xəyyam Əhmədli ona “Məmləkətim” (Hələ oğlun salamatdır) adlı mahnı həsr edib. Mahnı həmin vaxt kifayət qədər populyar olub, həmçinin meyxanaçıya da şöhrət gətirib.
