Məktəbəqədər və Ümumi Təhsil üzrə Dövlət Agentliyi tabeliyində Qarabağ və Qazax-Tovuz regional təhsil idarələrində də yeni təyinatlar olub.
Elm və təhsil naziri Emin Əmrullayevin müvafiq əmri ilə Sənan Mənsimli Qarabağ Regional Təhsil İdarəsinə müdir təyin olunub.
Sənan Mənsimli 2022-ci ildən Şirvan-Salyan Regional Təhsil İdarəsinin müdiri vəzifəsində çalışıb.
Şirvan-Salyan Regional Təhsil İdarəsinin müdiri vəzifəsinin icrası isə İdarənin Tədrisin keyfiyyəti sektorunun müdiri Dadaşov Vüqar İsrəfil oğluna həvalə edilib.
Qarabağ Regional Təhsil İdarəsinin müdiri vəzifəsini icra edən Anar Məcidov isə Qazax-Tovuz Regional Təhsil İdarəsinin müdir müavini təyin edilib. İdarənin müdiri vəzifəsinin icrası ona həvalə olunub.
Bundan başqa, elm və təhsil naziri Emin Əmrullayevin müvafiq əmri ilə Kərimov Elçin Vaqif oğlu Gəncə-Daşkəsən Regional Təhsil İdarəsinə müdir təyin edilib.
Elçin Kərimov 2022-ci ildən Mərkəzi Aran Regional Təhsil İdarəsinin müdiri vəzifəsində çalışıb.
Mərkəzi Aran Regional Təhsil İdarəsinin müdiri vəzifəsinin icrası idarənin müdir müavini Cavadov Cavad Alı oğluna həvalə edilib.
Gəncə-Daşkəsən Regional Təhsil İdarəsinin müdiri Anar Qədiməliyev isə Bakı şəhəri üzrə Təhsil İdarəsinə müdir müavini təyin edilib.
