.backend

Biləsuvarın icra başçısından yarım milyonluq tender “əməliyyatı”

Biləsuvar Rayon İcra Hakimiyyəti qəribə bir tender elan edib. Reportyor.info xəbər verir ki, mənzil fondunun təmiri işlərinin satın alınması üçün müsabiqə keçirilib. Tenderdə “Baku Building” MMC qalib gəlib.

Nəticə etibarı ilə şirkətə 590 99.88 manat, yəni yarım milyon ayrılacaq. Amma söhbət hansı mənzil fondundan gedir, niyə təmir edilir, bu suallara aydınlıq gətirilmir. Üstəgəl, yarım milyon az vəsait deyil.
Şirkətə gəlincə, bir sıra bölgələrdə yaşayış binalarının təmirini həyata keçirib. Bu dəfə Biləsuvara gedəcək. Amma Biləsuvarda vur-tut nə qədər çoxmənzilli bina var ki? Görünür, yeni təyin olunan icra başçısı Faiq Qürbətov tender maxinasiyasında siftəsini etməyə həvəslidir.

Qeyd edək ki, rayonun keçmiş başçısı Mahir Quliyev rüşvət ittihamı ilə həbs edilib. Onun dövründə Biləsuvarda heç bir quruculuq olmayıb.

Yerli sakinlər yeni icra başçısı Faiq Qürbətovdan idarəçilikdə yenilik gözləyirlər. O, turizm sektorunda müxtəlif vəzifələrdə çalışıb. Həmçinin, yeni icra başçısı Faiq Qürbətov uzun illər gənclər sektorunda işləyib. O Gənclər Fondunda məsul vəzifədə işləyib. Faiq Qürbətovun son işi isə İctimai Televiziya olub. O İTV-nin mərkəzi aparatının rəhbəri vəzifəsində çalışıb.






0.61435198783875