.backend

Vətəndaş “Turk-American Medical Center”dən narazılıq etdi: "Pulunuza heyfiniz gəlsin”

“Qətiyyən “Turk-American Medical Center”ə getməyin, pulunuza heyfiniz gəlsin”. Reportyor.info xəbər verir ki, vətəndaş Ceyhun Rəhimov sosial şəbəkədə belə çağırış edib.

Onun sözlərinə görə, 10 gündür davam edən qızdırmaya görə 5 dəfə ayrı-ayrı klinikalarda analiz verib: “Daha sonra bir yaxınımın məsləhəti ilə “Turk-American Medical” getdim. Bir həftə əvvəlin analiz nəticələrini versəm belə, qəbul etmədilər, yenidən “COVİD19” testi və computer tomoqrafiya (KT) etdirdilər. Bu da 220 manat edir. Kartla ödəmək istəsəm də, qeydiyyatda çalışan xanım aparatı göstərib dedi ki, işləmir, get bankomatdan çıxar”.

Ceyhun Rəhimov analizin nəticələrini alanda bird aha aydın olur ki, problem yoxdur: “Guya mən bilmirdim axı, boşuna şüa qəbul elədim. Müalicə yazmaq yerinə başqa siyahı yazdılar ki, testlər verməlisən. Onu da deyim ki, brüselyoz olan adam 10 gün ayaq üstə qala bilməz. Getdim qəbula, 300 manatdan çox çıxardılar. Həkimə də dedim mi, məqsədiniz klinikanın kassasını doldurmaqdırsa, nəzir qutusu kimi bir şey qoyun, o biri testləri də vermədim çıxdım. Bisavad kollektiv, sıfır xidmət…”

Qarşı tərəf kimi yazıda adı keçən şəxslərin və qurumların mövqeyini dərc etməyə hazırıq.

Mənbə Reportyor.info






1.1773109436035