Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi (Bandotdel) tərəfindən “Avromed”in lisenziyası ilə fəaliyyət göstərən Bakı şəhəri, Xətai rayonu Mehdi Mehdizadə küçəsində yerləşən “Urfan” adlı aptekə əməliyyat keçirilib.
Qaynarinfo.az-ın məlumatına görə, əməliyyata səbəb Arif adlı müştərinin sözügedən aptekdən 38 manata “Galvus Med” adlı qeydiyyatsız dərman alması olub. Nəticədə 2016-cı ilin yanvarından aptekdə məsul şəxs nəzarətçi işləyən, aptekin maliyyə mühasib işlərini aparan Orxan adlı şəxs saxlanılıb.
Baş Mütəşəkkil Cinayətkarlıqla Mübarizə idarəsinin əməkdaşları tərəfindən 20 iyul 2022-ci il tarixdə keçirilən əməliyyat zamanı “Urfan” adlı aptekdən 2 qutu “Thincar”, 2 qutu “Arava”, 2 qutu “Forziga”, 1 qutu “Evigen”, 1 qutu “Cyclo-Progynova”, 1 qutu “Eliquis”, 1 qutu “Poetal”, 1 qutu “Cleocin”, 1 qutu “Plavix”, 2 qutu “Viread”, 1 qutu “Nootrapil”, 2 qutu “Mirena”, 1 qutu “Salofalk 4g/60g”, 3 qutu “Salofalk”, 1 qutu “Zoviraks”, 1 qutu “Veropamila”, 1 qutu “Bemiks Kompaze”, 1 qutu “Meteospasnyl”, 1 qutu “Travatan”, 1 qutu “Yazz”, 1 qutu “Xatral”, 1 qutu “Progestan”, 1 qutu “Menopur”, 2 qutu “Lithuril”, 1 qutu “Ursofalk”, 6 qutu “Cialis 2 mg”, 2 qutu “Cialis 5 mg”, 4 qutu “Viagra”, 5 qutu “Dideral”, 1 qutu “Prelingalit”, 4 qutu “Diltizem”, 2 qutu “Transamine”, 5 qutu “Dostinex”, 2 qutu “Laroxyl”, 2 qutu “Tamoxifen”, 3 qutu “Vastarel”, 3 qutu “Janumet”, 6 qutu “Atarax”, 4 qutu “Norvasc”, 3 qutu “Diane”, 2 qutu “Jardiance”, 7 qutu “Nexium”, 5 qutu “Prednisalone”, 2 qutu “Visanne”, 4 qutu “İsoptin”, 3 qutu “Aknetrent”, 1 qutu “Rytmonorm”, 5 qutu “Bactrim”, 14 qutu “Prednol-L 25 mg”, 3 qutu “Arimidex”, 4 qutu “Beloc”, 6 qutu “Xarelto”, 3 qutu “Femara”, 4 qutu “Cardura 4 mg”, 2 qutu “Alphagen”, 5 qutu “Alfamet”, 1 qutu “Avmigran”, 2 qutu “Qalyviz”, 13 qutu “Proluton”, 4 qutu “Zyrtec”, 1 qutu “Devit-3”, 7 qutu “Tegretol”, 6 qutu “Crestor”, 5 qutu “Lamictal”, 3 qutu “Triplixam”, 2 qutu “Galvus Met 5 mg/1 mg”, 2 qutu “Paxil”, 1 flakon “Atarax 2 ml”, 5 qutu “RİF”, 3 qutu “Prozac”, 5 qutu “Allergen”, 1 qutu “Anti-fosfat”, 1 qutu “Ventolin”, 1 qutu “Anti-asidoz”, 1 qutu “Kapeda”, 2 konvolyut “Kapeda”, 15 qutu “Jetokain”, 8 qutu “Favimol”, 1 qutu “Ursactive”, 8 qutu “Pentasa” markalı dərman vasitələri aşkarlanaraq götürülüb. Yalnız “Favimol” markalı dərman preparatının dövlət qeydiyyatı olması aşkarlanıb.
Məhkəmə iclasında təqsirləndirilən Orxan adlı şəxs ona Cinayət Məcəlləsinin 200-1.2.3-cü maddəsi ilə elan olunmuş ittiham üzrə özünü qismən təqsirli bilib. Həmin şəxs bildirib ki, aptekin lisenziyası “Avromed”in adınadır.
Məhkəmənin qərarı ilə təqsirləndirilən şəxs təqsirli bilinərək, 1 il müddətinə dərman vasitələrinin satışı və idxalı fəaliyyəti ilə məşğul olma hüququndan məhrum edilməklə 6 ay müddətinə azadlığın məhdudlaşdırılması cəzasına məhkum edilib. Götürülən dərmanlar isə dövlət nəfinə müsadirə olunub.
Qeyd edək ki, qeyri-rəsmi məlumatlara görə, “Avromed Company” QSC millət vəkili Cavanşir Feyziyevə məxsus olduğu deyilir.
P.S. Maraqlıdır ki, bu yazı saytımızda yayımlanandan bir neçə saat sonra silinib və heç bir təkzib, açıqlama yayımlanmayıb. Hər bir halda qarşı tərəfində münasibətin ictimailəşdirməyə yazırıq,
Mənbə Qaynarinfo.az
