Məşhur türk müğənni azadlıqdan MƏHRUM EDİLİB

 24-11-2022

Türkiyənin tanınmış müğənnisi və aktyoru Halil Sezai 4 ay 25 gün müddətinə azadlıqdan məhrum edilib. Məhkəmə onu qonşusu Hüseyn Meriçə dediyi təhqiramiz sözlər səbəbindən təqsirli bilib.

Tərəflər arasında insident müğənninin Tuzlada səhnəyə çıxdığı məkanda baş verib. Sezai hadisə zamanı qonşusunu döyərək təhqir edib.

Hakim hökmünü açıqlamazdan qabaq Sezai özünü müdafiə etmək üçün deyib ki, qonşusu ilə əvvəllər baş vermiş daha bir hadisəyə görə aralarında düşmənçilik var:

“Təhqir etmək fikrində deyildim. Günahsızam, bəraətimi tələb edirəm”.

Meriç isə sözügedən hadisədən əvvəl də müğənninin ona sosial şəbəkələr vasitəsilə bəzi hərəkətlər etdiyini vurğulayıb: “Ondan şikayətçiyəm”.

Prokurorluq onun 3 ay 15 gündən 2 il 4 aya qədər həbs edilməsini tələb edib. Məhkəmə isə Sezaiyə hökm oxuyaraq onu 4 ay 25 gün müddətinə azadlıqdan məhrum edib.

Bənzər yazılar

0.49020195007324