Rusiyanın Primorsk diyarında məktəbdə baş verən qalmaqalla bağlı prokurorluq araşdırmaya başlayıb.
Milletinsesi.info xəbər verir ki , BAZA Telegram kanalında yayılan videoda məktəbin riyaziyyat müəlliməsinin şagirdlərə qarşı zorakılıq etdiyi əks olunub.
Valideynlərin sözlərinə görə, yeddinci sinif şagirdləri dərslərə qorxu içində gəlirlər, çünki müəllim tez-tez aqressiya göstərir — stulla hədələyir, uşaqlara əl qaldırır və bəzən onların ağzını skotçla bağlayır.
Məlum olub ki, hadisələr sinifdəki müşahidə kameralarının qarşısında baş verib. Kadrlar internetdə yayıldıqdan sonra məsələ hüquq-mühafizə orqanlarının diqqətinə çatıb.
Hazırda baş verənlərin səbəbləri və məktəb rəhbərliyinin fəaliyyəti araşdırılır.
