ETSN: “Xəzərə çirkab su axıdan qurumla bağlı tədbir görüləcək”

ETSN: “Xəzərə çirkab su axıdan qurumla bağlı tədbir görüləcək”
20:21 06-05-2021 | icon 156

Sosial şəbəkələrdə paytaxtın Səbail rayonunda “Patovski” adlanan ərazidə çirkli mayenin Xəzər dənizinə axıdılmasını əks etdirən kadrlar yayılıb. 
MillətinSəsi.info xəbər verir ki, kadrları lentə alan şəxs sözügedən ərazinin SOCAR-a məxsus olduğunu qeyd edib və dənizə axıdılan mayenin neft olduğunu iddia edib. O, prosesin illərdir ki, bu şəkildə davam etdiyini deyib.
Kadrlarda boru vasitəsilə axıdılan mayenin dənizin suyunun rəngini kəskin dəyişdirdiyi müşahidə olunur:

Səbail rayonu Bibiheybət qəsəbəsindəki boru kəmərindən çirkab suların Xəzər dənizinə axıdılması ilə bağlı sosial şəbəkələrdə yayılan görüntülər əsasında Dövlət Ekoloji Təhlükəsizlik Xidmətinin əməkdaşları tərəfindən araşdırma aparılıb.

Xidmətin rəisi Hikmət Əlizadə bildirib ki, araşdırma zamanı ərazidə formalaşan çirkab suların Azərsu ASC-nin Bakı Sukanal İdarəsinin tabeliyində fəaliyyət göstərən nasoslar vasitəsilə təmizlənmədən Xəzərə axıdıldığı müəyyən edilib: “Mütəxəssislər tərəfindən boru xəttindən axan sudan mikrobioloji təhlillərin aparılması üçün nümunələr götürülüb”.

H.Əlizadə qeyd edib ki, araşdırmaların və analizlərin nəticələrinə uyğun olaraq tərəfimizdən müvafiq tədbirlər görüləcək və ictimaiyyətə əlavə məlumat veriləcək.




0.29100704193115