Gürcüstandan 250 Azərbaycan vətəndaşı təxliyə olunacaq

Gürcüstandan 250 Azərbaycan vətəndaşı təxliyə olunacaq
12:21 12-01-2021 | icon 77

Pandemiya səbəbindən Gürcüstanı tərk edə bilməyən daha 250 Azərbaycan vətəndaşının vətənə təxliyəsi həyata keçiriləcək.

“Report”un yerli bürosu xəbər verir ki, təxliyə yanvarın 15-nə təyin olunub.

Azərbaycanın Gürcüstandakı səfirliyindən bildirilib ki, təxliyə olunacaq şəxslər sabah koronavirus testindən keçiriləcək və nəticələr yanvarın 14-də açıqlanacaq.

COVID-19 virusu aşkarlanmayan şəxslərə Azərbaycanla sərhəddəki “Qırmızı körpü” sərhəd-keçid məntəqəsi yaxınlığında səfirlik nümayəndəsi tərəfindən xüsusi arayışlar veriləcək və onlar vətənə dönə biləcəklər.

Qeyd edək ki, pandemiya dövründə Gürcüstan vasitəsilə iki minə yaxın azərbaycanlının Azərbaycana qayıtması təmin edilib.