“Çovdar” mədənində ağac əkilib - FOTO

“Çovdar” mədənində ağac əkilib - FOTO
18:00 28-11-2020 | icon 285

“AzerGold” QSC-nin “Çovdar” mədənində ağacəkmə aksiyası keçirilib.

QSC-dən milletinsesi.info-a verilən məlumata əsasən, aksiya Ekologiya və Təbii Sərvətlər Nazirliyi, İqtisadiyyat Nazirliyi və “AzerGold” tərəfindən QSC-nin Daşkəsən rayonunda yerləşən “Çovdar” mədənində baş tutub və yaşıllıq sahələrinin artırılması, ekoloji tarazlığın təmin edilməsinə töhfə vermək məqsədilə təşkil edilib.

Aksiya çərçivəsində təqribən 4 hektar ərazidə ümumilikdə 3000 göyrüş, ağcaqayın və akasiya tingləri əkilib, həmçinin xüsusi ayırılmış əraziyə palıd, göyrüş və ağcaqayın toxumları səpilib. Yeni əkilən ağac tingləri və toxumlar suvarılaraq onlara aqrotexniki qaydada qulluq göstərilib.