ABŞ-da yanğınla mübarizədə maraqlı üsul

ABŞ-da yanğınla mübarizədə maraqlı üsul
02:00 24-09-2020 | icon 116

ABŞ-ın Oreqon ştatında yanğınla mübarizəyə heyvanları da cəlb edəcəklər.

OPB xəbər verir ki, Forest-Qrouv şəhərinin sakinləri bu məqsədlə 230 keçini “işə götürəcək”.

Onların əsas işi ekosistemdə yanğınla mübarizə olacaq. Keçilər ərazidə quru otları yeməlidirlər.

“Healing Hooves” şirkətinə məxsus keçilər Vaşinqton ştatından gətiriləcəklər.

Son zamanlar bu cür xidmətlərə təlabatın artdığı qeyd edilir. Heyvanlar ABŞ şəhərlərindən sutka ərzində 800 dollar ödənməklə gətirilir və onları bir neçə günlük işə cəlb edirlər.

Onlar hətta insanların evlərinin ətrafına gələrək, oradakı quru otları da yeyə bilərlər.