Sosial layihələr icra edən şirkətlərdən koronovirusa qarşı mübarizəyə dəstək – 100 000 manat

Sosial layihələr icra edən şirkətlərdən koronovirusa qarşı mübarizəyə dəstək – 100 000 manat
20:07 22-03-2020 | icon 173

Koronavirus (COVID-19) infeksiyasının ölkəmizdə yayılmasının qarşısının alınması istiqamətində Prezident İlham Əliyevin rəhbərliyi ilə kompleks və məqsədyönlü tədbirlər həyata keçirilir. 

Bu sahədə aparılan işlərə “AzNest”, “Avalon 12”, “Lotus Co” və “Aqrikon” şirkətləri də cənab Prezidentin çağırışına qoşularaq öz dəstəyini ifadə edib. Həssas qruplardan olan vətəndaşların sosial dəstəklə təminatına yönələn layihələrdə uğurlu iştirakı ilə seçilən şirkətlər pandemiya ilə mübarizə kimi ümummilli məsələnin həllində də dövlətin yanında olduqlarını nümayiş etdiriblər.

Dövlət başçısının Fərmanı ilə yaradılmış Koronovirusla Mübarizəyə Dəstək Fonduna bu dörd şirkətin hər biri 25 000 manat olmaqla, ümumilikdə 100 000 manat vəsait ayırıb.